Nəhəng yumurtaya rekord qiymət
Nəsli 400 il əvvəl tükənən fil quşuna aid 30 santimetr böyüklüyündə qalıqlaşmış yumurta, Londonda təşkil edilən hərracda 102 min dollara alıcı tapıb. Movqe.Az-ın məlumatına görə, "Christie's hərrac evi", yumurtanın hərraca telefonla qatılan bir adam tərəfindən təxminən 102 min dollara satın alındığını açıqlayıb. Madaqaskarda olan yumurtaya 45 min dollar qiymət müəyyən edilmişdi. Nəhəng bir dəvəquşuna bənzəyən fil quşlarının boyları, təxminən 3,4 metr yüksəkliyə qədər çata bilir. Uça bilməyən, meyvələrlə bəslənən fil quşlarının soyunun 17-ci əsrdə tükəndiyi güman edilir. Fil quşlarının yumurtalarının, toyuq yumurtasından təxminən 100 qatı böyüklüyündə olduğu müəyyən olunub.