İngiltərənin Norsemptonşir qraflığının Desborouh qəsəbəsində yaşayan 16 yaşlı gənc Liam Andrevs, tam bir sürünən və böcək xəstəsidir. Movqe.Az-ın məlumatına görə, yataq otağında 300-dən çox ekzotik heyvanla yaşayan Liam, aralarında tarantula, ilan və ölümcül əqrəblərin də olduğu sürünən və böcəklərlə heç çəkinmədən eyni yataq otağında yatır. Kolleksiyasında müxtəlif kərtənkələ, qurbağa və quşlar da olan gənc, boynuna doladığı ilanlarıyla televiziya izləyir və yanına bəzi heyvanlarını alaraq gündəlik ev alış-verişi də etməyə gedir. İnsanlardansa heyvanları seçim etdiyini söyləyən gənc tələbə, "Yataq otağımda mənimlə qalan 60 -dan çox sürünən və bunlardan əlavə bəzi digər ekzotik heyvanlar var. İndiyə qədər heç biri qaçmayıb. Qızların otağımdakı bu vəziyyətdən çox xoşları gələcəyini düşünmürəm. Ona görə evə qız gətirmirəm" deyib. Evdə rast gəlinən ən qəribə vəziyyətlərdən biri isə, Liamın 52 yaşındakı atası Nigelin hamamda iki ilanı cütləşərkən görməsi olub. Baba Nigel, keçirmiş olduğu kiçik şoku belə izah edib, "Hamama girən zaman qorxdum, qucaqlaşan iki ilan diqqətlə mənə baxırdı" deyib.