Movqe.Az xəbər verir ki, Braziliyanın futbol əfsanəsi Pelenin, ölkədə günlərdir davam edən etirazlarla əlaqədar etdiyi şərhdə nümayişçilərə "Evinizə qayıdın" mesajı verməsi sosial mediada böyük reaksiyaya səbəb olub. Globo televiziyasında yayımlanan video mesajında ​​Pele, ölkədə şənbə günü Konfederasiya Kubokunun başladığına, növbəti il də Dünya Kuboku təşkil ediləcəyinə diqqət çəkərək, "Braziliyada olan bu etirazları unudaq. Braziliya komandasının ölkəmiz olduğunu və qanımız olduğunu xatırlayaq" deyib . Lakin son illərdə etdiyi şərhlərlə həm ölkəsindəki həm də dünyadakı imici zədələnən Pelenin bu sözləri sosial medianı ayağa qaldırıb. Bir çox istifadəçi Pelenin sıravi vətəndaşların necə yaşadığından xəbərsiz olduğunu dilə gətirib. Bir Braziliyalı Facebook səhifəsinə, "Pele videoyla millətə bu səs-küyü unudun və komandanı dəstəkləyin deyir. Milli komanda, FIFA, stadionlar milyonlara başa gəlir, cəhənnəmin dibinə get!" yazıb.