Koronavirusun sıradan yoluxucu xəstəlik olduğunu düşünmüşdük, pandemiyaya səbəb olacağına inanmırdıq.

Axar.az xəbər verir ki, bu sözləri Uhanda ilk koronaviruslu xəstələri müalicə edən adı açıqlanmayan çinli həkim deyib.

“İlk 7 xəstənin simptomları eyni idi: On gün enməyən qızdırma, 3 gün döş qəfəsində ağrı, ağciyərlərdə xırıltı...” - deyə həkim bildirib.

Çin tərəfinin gec xəbərdarlıq etdiyinə dair ittihamları da çinli həkim belə şərh edib:

“Özümüz də virusu anlamağa çalışırdıq. Dəqiq məlumata sahib olmadığımız halda ictimaiyyətə açıqlama verə bilməzdik”.