Əlaqə Arxiv
news Image
2021.04.07
12:47
| A A A
“Bazarstore” – “10 ildir sizinlə birlikdə!”

Pərakəndə sektorunun öndəri və söz sahibi olma missiyasını davam etdirən “Bazarstore” “10 ildir sizinlə birlikdə” deyərək çalışanlarıyla birlikdə “Dreamland”-da toplandı. Toplantının ilk hissəsində ötən il fərqlənən, “2020-ci ilin ulduzları”-na xüsusi hədiyyələr təqdim olundu. 

Toplantının ikinci hissəsindən etibarən isə “Bazarstore”un yaranmasının 10-cu ili qeyd edildi. Proqram yubileylə bağlı hazırlanan tanıtım filminin nümayişi ilə başladı. Tədbirdə çıxış edən Baş Direktor Burhan Sevahil bu illər ərzində qazanılan uğurlardan və gələcək planlardan danışdı. 10 ildir “Bazarstore”da işləyən və super marketlər şəbəkəsinin hər gününə şahidlik edən 27 əməkdaşaxatirə plaketi təqdim edildi. 

Qeyd edək ki, 2011-ci ildə “Azərsun Holdinq”in tərkibində yaradılan “Bazarstore” 10 ildir davamlı olaraq təzəlik, keyfiyyət, münasib qiymət, çeşidlilik və xidmətindən güzəştə getməyərək ildə 31 milyon müştəriyə, ölkə üzrə 87 min kvadrat metr satış sahəsində, 2800 çalışanı ilə xidmət göstərir. 

“Bazarstore” əsas prinsiplərində qeyd olunduğu kimi bu üstün xidmət üçün əl-ələ verib birlikdə güclənməyin, inkişaf üçün davamlı çalışmağın, müştərini sərvəti bilib sözündə etibarlı olmağın və məsuliyyətinin fərqindədir.

Sizin Reklam Yeriniz