Movqe.Az xəbər verir ki, oyunsevərlər tərəfindən böyük maraq görən "Call of Duty" ardıcıllığına yeni bir oyun gəlib. "Call of Duty: Ghosts" bu gündən etibarən satışa çıxarılıb. Infinity, Ward, Neversoft və Raven Software tərəfindən inkişaf etdirilən və Activision-ın prodüserliyini öhdəliyinə götürdüyü CoD: Ghosts-un PC, PlayStation 3, Xbox 360 və Wii U versiyaları bu gündən etibarən satışa çıxarılıb. Rekordçu oyun ardıcıllığının bu oyunla yeni bir rekorda imza atacağı təxmin edilir.

Oyunun hekayəsi

ABŞ bilinməyən bir güc tərəfindən zəbt edilmiş və şəhər qəsbkarlarının əlinə keçmişdir. Ghosts adlı bir qrup isə ölkənin pis gedişatını dayandırmaq üçün düşmənlərə qarşı mübarizə etməkdədir. Başqa sözlə oyunsever Ghosts qrupuna daxil olaraq bu qrupdakı əsgərlərdən birini nəzarət edəcək.