Samsungun maraqla gözlənilən yeni ağıllı telefonu Galaxy S5-ə aid olduğu iddia edilən fotoşəkil internet saytlarında sürətlə yayılır. Hələ Galaxy S5-in nə vaxt tanıdılacağına dair məlumat belə yoxdur. Amma Samsungun növbəti admiral gəmisi haqqında ard-arda gələn iddialar sürət kəsmədən davam edir. Bu dəfəki iddia isə bir neçə fotoşəkil ilə gəlib. Fotoşəkillərdə görülən kassanın, Galaxy S5-in metal kassasına aid olduğu deyilir. Movqe.Az "Nowhereelse.fr" adlı sayta istinadən xəbər verir ki, saytın yayımladığı fotoşəkillər, Samsungun, S5 ilə birlikdə plastik materialı tərk edəcəyi iddialarını gücləndirir. Çünki ən azından bu fotoşəkillərdəki kassa, metaldır.