"Miss Azerbaijan" model yarışmasının iştırkçısı Xanım Manafzadə Türkiyənin ən çox baxılan "Möhtəşəm Yüzyıl" serialına çəkilib. Bu barədə Movqe.Az xəbər portalına model özü məlumat verib. X.Manafzadə bildirib ki, hamının maraqla izlədiyi "Möhtəşəm Yüzyıl" serialına təklif Türkiyədən Bakıya qayıtdıqdan sonra gəlmişdi: "Türkiyədə yaşayıb, çalışdığım zaman bir çox layihələrə təklif gəlmişdi. Amma Bakıya qayıtdıqdan sonra "Möhtəşəm Yüzyıl" serialına təklif gəldi. Təklifi qəbul edib, Türkiyəyə serialda çəkilmək üçün getdim. Serialda Xədicə sultanın rəfiqəsini canlandırmışam," – X.Manafazdə dedi.

Onu da qeyd edək ki, X.Manafzadə bu günlərdə tədbirlərin birində məhz Movqe.Az üçün müxtəlif rakurslarda şəkil çəkdirdi. O, fotosessiyada rəfiqəsi ilə iştirak etdi.

"Həmin qız mənim rəfiqəmdir. Tədbirlərin birinə dəvət almışdım. Həmin tədbirə tək getmək istəmədiyim üçün rəfiqəm ilə gəldim", - model dedi.

Fuad Mədətov