İsveçrənin Zürih şəhərində xüsusi olaraq inşa edilən bu binada gündəlik həyatda istifadə edilən bir çox məhsulun istifadə edilməsi qadağandır. 

Movqe.Az xəbər verir ki, Kimyəvi Həssaslıq Sindromu (MCS) xəstəliyinə sahib kəslər üçün xüsusi olaraq tikilən bu binada ətir, losyon, saç spreyi kimi məhsullar istifadə edilmir. 

Hətta  Kimyəvi Həssaslıq Sindromu olan kəslərə elektromaqnetik dalğalarıyla pis təsir edən kabelsiz modemlərin istifadə edilməsi belə qadağandır. 

Bu xüsusi binada, aşağı səviyyədə kimyəvi maddənin təsirinə məruz qaldıqda belə baş gicəllənməsi, yorğunluq, baş ağrısı kimi xroniki hallar yaranan MCS xəstələrinin daha rahat bir həyat davam etdirməsi hədəflənir.