"Apple"ın WWDC konfransına az vaxt qalsa da, tanıdılacaq yeni təchizatlar insanlarda maraq yaradır. İnternet sızıntılarına görə  konfransda iWatch, Apple TV, Retina ekranlı MacBook Air və ya iPhone 6 tanıdılacaq. 

Movqe.Az xəbər verir ki, alman qaynaqlı Apple blogu Apfelpage.de saytına görə, Alman mobil telefonu operatoru Deutsche Telekom, iPhone 6-nı 19 sentyabrda satışa təqdim edəcək. Bu iddiaya görə, yeni "iPhone"u bir neçə gün sonra görməyi gözləyənlər, bir az da gözləmək məcburiyyətində qalacaq. 

Daha əvvəl IPhone 5-i və iPhone 5S-i Sentyabr aylarında tanıdan və təxminən 2 həftəlik bir müddətdən sonra satışa təqdim edən "Apple"ın, iPhone 6-da da eyni strategiyanı tətbiq etməsini təxmin etmək çox da çətin deyil.