"OneDrive"da 2 GB limiti tarixə qarışır
Microsoftun Bulud saxlama xidməti "OneDrive"ın əsəbləri korlayan 2 GB limit qaydası aradan qalxır.
Movqe.Az xəbər verir ki, Microsoft, o qədər sərmayə qoyaraq xidmətə açdığı online yadda saxlama xidməti "SkyDrive"ın adını, İngiltərədəki SKY televiziyanın şikayəti ilə OneDrive olaraq dəyişdirmişdi. Microsoft proqramları və Windows Phone platforması ilə çalışan OneDrive haqqındakı ən böyük şikayət isə sistemə 2 GB-dan böyük faylların yüklənə bilməməsi idi. Bu məhdudiyyət, xüsusilə böyük fayllarla işləmək məcburiyyətində qalan insanların böyük narazıçılığına səbəb olurdu.