Nokianın satın alınma əməliyyatlarının tamamlanmasından sonra Microsoft, markanın adını ağıllı telefon arenasından silmə əməliyyatlarına başlayıb. Son olaraq ilk Microsoft markalı ağıllı telefonu olan Lumia 535-in təqdimatından sonra səssizliyə bürünən Microsoft cəbhəsindən yeni şərhlər gəlib. Lumianın satışları gözləniləndən çox olub.

 Movqe.az xəbər verir ki, dünən Nokia tərəfindən reallaşdırılan tablet təqdimatı haqqında səssizliyini qorumağı seçən Microsoft rəhbərliyi, ağıllı telefon bazarına dair bəzi şərhlər edib. Lumia modelləri haqqında məlumat verən səlahiyyətlilər tətbiq mağazaları mövzusunda rəqiblərinə yüklənib.

Aktiv istifadədə olan Lumia sayının 50 milyondan çox olduğunu deyən  Microsoft səlahiyyətliləri Windows Phone Tətbiq mağazasındakı tərəqqidən məmnun olduqlarını deyib.