Hər il "National Geographic" jurnalı səyahətçilər arasında prestijli "Traveler Photo Contest" müsabiqəsini keçirir. Bu il 17 min fotonun arasından ancaq 10 ədədi seçilib.
Movqe.az xəbər verir ki, müsabiqə fotoları 4 kateoqoriyaya bölünür: turistik portretlər, açıq havada çəkilişlər, yeri hiss etmə və ani anlar. Birinci yeri və əsas mükafatı balina ilə onun yeni doğulmuş balasının şəklini çəkən fotoqraf Anuar Patjane qazanıb. Bu ağ-qara şəkil Meksikada Roka Partida adasında çəkilib.
Müsabiqədə ikinci yeri Banqladeşdən olan 3 fəhlənin portretinin əks olunduğu fotoqraf Faysal Azimin fotosu tutub.
Üçüncü yeridəvə qaçışları şəkli iləomanlı fotoqraf Əhməd Əl Tuqri tutub.
Müsabiqənin qalibi olan Anuar Patjane Kosta-Rika və Panama kanalına səkkiz günlük səyahət əldə edib.