Əlaqə Arxiv
news Image
2015.09.04
10:40
| A A A
Arıq olmaq sonsuzluğa yol açır

Çox kök, ya da arıq olmaq qadınlarda menstruasiya pozğunluğu və yumurtlama problemlərinə yol açaraq hamilə qalmağa mane olur.


Movqe.az xəbər verir ki, mütəxəssislər ideal çəkini qorumağa çağırır. Əks halda gənc yaşda başlayan artıq çəki problemi gələcəkdə ana-ata olmaq şansını əngəlləyir.


Belə ki, yağ hüceyrələrinin çox olması estrogen balansını pozur. Yüksək miqdarda estrogen də yumurtlamanın olmamasına səbəb olur. Ağır çəki hormonal və metabolik pozğunluğa yol açır. Belə halda yumurtalar tam yetişmir.



Çəki artımı ilə ortaya çıxan hiperandrogenizm (testesteron kimi kişilik hormonlarının artması) problemi və yumurtlama pozğunluğu olanların hamiləlik şansı azalır.

Hamiləlik üçün ən ideal bədən kütləsi indeksi 21-29 arasındadır.


Menstruasiya pozğunluğu problemi olan piyli qadın artıq çəkisinin yüzdə 5-ni verdikdə bu problemlərin yüzdə 60-dan xilas ola bilər.


Araşdırmalara görə, qadınlardakı sonsuzluq problemlərinin yüzdə 40-ı yumurtlama pozğunluğu ucbatından yaşanır. Belə qadınların əksəriyyəti artıq çəkidən əziyyət çəkir.


Dərmanların təsiri olmur

Süni mayalanma zamanı istifadə edilən hormonal dərmanlar artıq çəkili qadınlara çox az təsir edir. Kök qadınlarda embrionun uşaqlıqda möhkəmlənməsi ehtimalı çox aşağıdır. Bundan başqa artıq çəkili qadınlarda düşmə ehtimalı da yüksəkdir.


Normadan az çəki də təhlükəlidir

Bu, hormonlara mənfi təsir edir və aybaşı pozğunluğuna yol açır.

Bədəndəki yağ hüceyrələri hormon ifrazını təşkil edir. Estrogenin 2/3-i yağ hüceyrələrində ifraz edilir. Yağ hüceyrələrinin sayı nə qədər çox olarsa, bir o qədər çox estrogen ifraz olunar. Estrogen səviyyəsi ya çox az, ya da həddən çox olarsa, ciddi problemlər ortaya çıxır.


Beyindən yumurtalıqlara gedən siqnallar azalır

Bədəndəki yağ nisbəti yüzdə 10-15 azaldığında hormonal balans pozulur və sonsuzluq ortaya çıxır. Çox arıqlamaq beyindən yumurtalara gedən siqnalları azaldır. Belə halda estrogen ifrazı dayanır, uşaqlığın daxili təbəqəsi inkişaf edə bilmir, döllənən yumurta uşaqlıqda möhkəmlənə bilmədiyi üçün hamilə qalmaq olmur.


Bundan başqa çox idman etmək də sonsuzluğa yol açır.


Ginekoloji sonsuzluq problemləriniz varsa, hormonlarınızı yoxlatdırın. Çünki kişini kişi, qadını qadın edən hormonlardır.



Sizin Reklam Yeriniz