Movqe.az xəbər verir ki, avtomobil nəhəngi "Chrysler", dünya səviyyəsində təxminən 920 min cipi geri çağırıb. ABŞ Milli Nəqliyyat Təhlükəsizliyi İdarəsi (NHTSA) hesabatlarına görə 2002-2004 model "Grand Cherokee" və "Liberty SUV" cip modellərində hava yastığı problemi təsbit edilib. Sözügedən modellərdə olan hava yastığı modullarındakı problem səbəbiylə ön və yan hava yastıqlarının gözlənilməz bir anda özbaşına açıldığı, bunun da qəzalara və yaralanmalara gətirib çıxardığı ifadə edilib. Şirkətdən edilən şərhdə geri çağırılacaq avtomobillərin təxminən 745 mini ABŞ-da, 50 mini Kanadada, 22 mini Meksikada və 103 mini də Şimali Amerika xaricindəki bölgələrdə yerləşir.