"Möhtəşəm almaz" rekord qiymətə satıldı
Dünyanın ən məşhur almazlarından biri Cenevrədəki hərracda satıldı...
Movqe.Az bildirir ki, "Ers-hersoq Cozef"
almazı, İsveçrənin Cenevrə şəhərində keçirilən hərracda rekord
qiymətə alıcı tapıb. "Christie 's" hərrac evi tərəfindən təşkil
edilən auksiyonda qüsursuz bir rəng və formaya sahib 76 karatlıq
almaz, 21,5 milyon dollara satılıb. Hindistandakı Qolkonda
mədənlərində olan almaza 15 milyon dollarlıq qiymət qoyulmuşdu.
Almazı satan mərkəzi Kaliforniyada olan "Black, Starr & Frost"
ləl-cəvahirat şirkətinin prezidenti Alfredo C. Molina, qiymətli
daşın adının açıqlanmasını istəməyən bir adam tərəfindən satın
alındığını söyləyib. Molina, alıcının almazı sərgiləmək üçün bir
muzeyə bağışlamağı düşündüyünü bildirib. Vaxtilə, Macarıstan və
Bohemya Şahzadəsi Ers-hersoq Cozef Avqustun adını daşıyan almaz
daş, şahzadənin oğlu Cozef Françis tərəfindən bir bankirə satılıb.
1961-ci ildə Londondakı bir hərracda satışa çıxarılan almaz,
1993-cü ildə "Christie's" tərəfindən təşkil edilən hərracda 6,5
milyon dollara satılmışdı. "Ers-hersoq Cozef" almazı, bu həftə
satışa çıxarılacaq qiymətli daşlardan birincisi olub.