Suriyada hökumət qoşunları Palmira ətrafında dinc sakinlərin kütləvi məzarlığını aşkarlayıb.Movqe.az milli.az-a istinadən bildirir ki, ümumilikdə məzarlıqda əksəriyyəti qadınlar və uşaqlar olmaqla 25 nəfər basdırılıb. Onlar İŞİD terror qruplaşması tərəfindən öldürülüblər.Bu məzarlığın tək olmadığı istisna olunmur. Terrorçular şəhərə, demək olar ki, bir il nəzarət ediblər və mütəmadi olaraq edamlar həyata keçirirdilər. Bundan əlavə onlar bir çox küçələri, xüsusən antik abidələri minalayıblar. Suriyalı istehkamçılar partlayıcı qurğuların zərərsizləşdirilməsi ilə məşğuldurlar. Bir azdan onlara rusiyalı mütəxəssislər də qoşulacaq.