Rio de Janeyroda üzən kuknar ağacı quraşdırılıb
Movq.az xəbər verir ki, Braziliyanın Rio de Janeyro şəhərində milad
bayramı ərəfəsində turizm mövsümünə start verilib. Bu münasibətlə
şəhərdə dünyanın ən böyük üzən küknar ağacı quraşdırılıb. Üzən
küknar ağacına baxmaq üçün yüz mindən çox insan Rodriqo de
Freytas laqununa toplaşıb. Ağacın işıqlarının yandırılması mərasimi
6 dəqiqə davam edən atəşfəşanlıqla yadda qalıb. Metal
konstruksiyadan hazırlanan "Küknar ağacının" hündürlüyü 85 metrdir,
çəkisi isə 542 tondur. Ağac 3 milyondan çox lampa ilə
bəzədilib. Belə üzən küknar ağacı Rio de Janeyroda ilk dəfə
1996-cı ildə düzəldilib. Bu ağac dünyada ən böyük üzən küknar
kimi Ginnesin rekordlar kitabına da daxil edilib.Yanvarı 6-na qədər
üzən ağaca 1 milyondan çox insanın tamaşa edəcəyi gözlənilir.