Miqrenlə damar xəstəlikləri əlaqəlidir
Movqe.Az bildirir ki, Bəzi miqren
növlərinin qadınlarda ürək-damar xəstəlikləri riskini artıra
biləcəyi bildirilib. Fransız Milli Sağlamlıq və Tibbi Araşdırmalar
Təşkilatından (Inserm) elm adamları, görmə problemlərinə yol açan
bəzi miqren növləri ilə mübarizə aparan qadınların ürək-damar
xəstəliklərinə tutulma riskinin 3 qat daha çox ola biləcəyi
nəticəsinə çatıblar. Dr. Tobias Kurs və qrupu, ABŞ-da 15 il ərzində
sağlamlıq vəziyyətləri araşdırılan 27860 qadından 1435-nin Aural
miqreni olduğunu, bu müddətdə 1030 infarkt, iflic və ölüm
hadisəsinə rast gəlindiyini təyin ediblər. Miqreni olan qadınların
infarkt və iflic keçirmə riskinin digərlərindən 3,27 dəfə çox (il
ərzində mində 7,9 hadisə) olduğu görülüb. Kurs, yüksək təzyiqdən
sonra Aural miqren, infarkt və iflicin əhəmiyyətli bir səbəbi
olduğunu vurğulayıb. Dr. Tobias Kurs, yüksək təzyiq və kilonu
nəzarət altında tutularaq və nizamlı idman edərək riskin azaldıla
biləcəyini də qeyd edib. Araşdırma, "American Academy of
Neurologie" jurnalında nəşr olunub.