Valideynlər uşaqlara yalan söyləyir
Movqe.Az BBC-yə istinadən bildirir ki,
ABŞ və Çindəki ailələrin üzərində aparılan araşdırma, uşaqlarının
davranışlarını dəyişdirmək üçün çox valideynlərin yalana müraciət
etdiyini məlum edib. Düzgün davranmasalar uşaqlarını çöldə tək
başına buraxıb getmə təhdidi ən çox müraciət edilən yalan olaraq
təsbit edilib. Valideynlər uşaqlara qarşı, pərini köməyə
çağırmaqdan başlayaraq, tərəvəz yeməsələr kor olacaqlarına qədər
fərqli üsullardan istifadə edirlər. Digər strateji yalan nümunəsi
də "pianinonu nə gözəl çaldın" kimi deyilən təriflərdir. Beynəlxalq
Psixologiya jurnalında nümayiş olunan araşdırma, "təsir yaratmaq
məqsədi ilə yalan danışma" mövzusunu ələ alıb. Araşdırmada, ABŞ və
Çində araşdırılan 200 ailənin böyük əksəriyyətində belə yalanlara
müraciət olunduğu bildirilib. Həm amerikalı həm də çinli ailələrdə
ən çox müraciət edilən yalan, valideynlərin uşağı tək başına
buraxıb gedirmiş kimi etməsidir.