Movqe.Az bildirir ki, "Apple"ın bu günə qədər ən yüksək yaddaş olaraq "iPhone" və "iPad"lərdə seçim etdiyi 64 GB-lıq yığma vahidi ilk dəfə olaraq iki qat artırılıb. İndi artıq 128 GB-lıq "iPad" ilə daha çox film, musiqi və proqramlar cihazlara əlavə edilə biləcək. "Apple Store"dan satışa təqdim edilən 128 GB-lıq sensor ekranlı ən yeni "iPad"lərin qiyməti WiFi və 3G dəstəyinə görə dəyişiklik göstərir. WiFi-lı modeli 799 dollardan satışa təqdim edilərkən, 3G/LTE texnologiyasını istifadə edən modellər isə 929 dollarlıq qiymətə sahibdir. 64 GB-lıq yaddaşlı modellərdə isə WiFi-lı olanı 699, 3G/LTE 'li olanı isə 829 dollardan satılır. Yəni istifadəçilər 64 GB-lıq "iPad" yerinə 100 dollar daha çox ödəyərək 128 GB-lıq modeli seçim edə bilər.