Ukrayna estradasının ulduzu, müğənni Ani Lorak Heydər Əliyev Sarayında konsert proqramı ilə çıxış edəcək. Movqe.az anspress-ə istinadən xəbər verir ki, oktyabrın 25-də baş tutacaq konsert müğənninin Bakı musiqisevərləri ilə ikinci görüşü olacaq. Lakin Ukraynada vətəndaş müharibəsi baş verdiyi və insanların öldüyü bir zamanda müğənninin fəaliyyəti həmvətənləri tərəfindən birmənalı qarşılanmır.

Sosial şəbəkələrdə heç nə olmamış kimi Rusiya səhnəsində fəaliyyətini davam etdirməsi ukraynalılar tərəfindən geniş müzakirə mövzusuna çevrilib. Müğənni təqib və təhqir obyektinə çevrilsə də istifadəçilərdən biri daha mədəni şəkildə: "Biz bilirik, siz rusiyayönlü olsanız da, Ukraynada ruslar tərəfindən yaşanan ölümlərə laqeyd yanaşa bilməzsiz. Fəaliyyətinizi bir müddət saxlasaydız, bizi sevindirmiş olardız", - deyə müğənniyə müraciət edib.Lakin bütün bu cür müraciətlər müğənni tərəfindən cavabsız qalıb. Qeyd edək ki, Ani Lorak "Shady Lady" mahnısı ilə "Eurovision-2008" müsabiqəsində ikinci yeri tutub. O, "Qızıl qrammofon", "İlin müğənnisi", "İlin adamı", "İlin mahnısı" və s. mükafatlara layiq görülüb.