“Bakıelektrikşəbəkə” işığın qiymətinin qalxması ilə bağlı xəbərlərə aydınlıq gətirdi
“Bizdə qiymət artımı yoxdur”
Tanrıverdi Mustafayev: "Qanuni şəkildə bizə heç bir rəsmi məlumat daxil olmayıb"
"Bakıelektrikşəbəkə"-dən işğın qiymətinin artması ilə bağlı mətbuatda yayılan xəbərlərə münasibət bildirilib.
Qurumun mətbuat xidmətinin rəhbəri Tanrıverdi Mustafayev Ans press-ə açıqlamasında, onlarda işığın qiymətinin artması ilə bağlı heç bir rəsmi məlumatın olmadığını söylədi: "Bizdə qiymət artımı yoxdur. Qanuni şəkildə bizə heç bir rəsmi məlumat daxil olmayıb".
Qeyd edək ki, mətbuatda, Tarif Şurasının qərarına əsasən, "Azərenerji"yə satılacaq təbii qazın qiymətinin 2 dəfə bahalaşması ilə bağlı məlumatlar dərc edilib.
