ABŞ-da Demokratlar partiyasından prezidentliyə namizəd olan Hillari Klinton məşhur teleulduz Kim Kardaşyanın soyğuna məruz qalmasını şərh edib.

"Qafqazinfo" xarici KİV-ə istinadən xəbər verir ki, Klinton Kardaşyana görə narahatlıq keçirdiyini ifadə edib: "Mən ona görə narahat oldum. Lakin xoşbəxtlikdən xəsarət alan olmayıb".

Eks-dövlət katibi, həmçinin Kardaşyanın həyat yoldaşı Kanye Uestin Nyu-Yorkdakı konsertini yarıda qoymasından təəssüfləndiyini bildirib.

Xatırladaq ki, Parisdə olarkən otel nömrəsində soyğuna məruz qalan teleulduzun dəyəri milyonlarla ölçülən zinət əşyaları oğurlanıb.