Azərbaycanda bu ilin on bir ayı ərzində 8115 yanğın hadisəsi qeydə alınıb
Bu ilin on bir ayı ərzində respublika üzrə 8115 yanğın hadisəsi qeydə alınıb.
APA-nın xəbərinə görə, bunu Azərbaycan Fövqəladə Hallar Nazirliyində (FHN) qurumun yaranmasının 8-ci ildönümü münasibətilə keçirilən tədbirdə nazir, general-polkovnik Kəmaləddin Heydərov deyib.
K. Heydərov, hər gün orta hesabla 24 yanğın hadisəsinə çıxış olduğunu qeyd edib. Nazir bildirib ki, Xəzər dənizindəki Bulla-dəniz yatağında baş vermiş yanğının aradan qaldırılması zamanı şəxsi heyət tərəfindən fədakarlıq nümayiş etdirilib.
Nazirin sözlərinə görə, yanğın hadisələri zamanı 5-i uşaq olmaqla 38 nəfərin həyatı xilas edilib.