Ukrayna millətçilərinin lideri öldürüldü
Ukraynada ultra-millətçi lider Aleksandr Muziçko
güllələnərək öldürülüb. Movqe.az ans press-ə istinadən xəbər verir
ki , rəsmilər bunu xüsusi təyinatlıların
əməliyyatı adlandırıb.
"Saşa Belıy" kimi tanınan Muzıçko polislə
atışmadan sonra, qərbi Ukrayna şəhəri Rivnedəki kafedə
ölüb.
Cənab Muziçkonun güllələnməsindən bir neçə saat
əvvəl Rusiya XİN başçısı Sergey Lavrovla ukraynalı həmkarı Andriy
Deşçitsya arasında Krım üzrə diplomatik böhrandan sonra ilk
danışıqlar aparılıb.
Ukrayna DİN başçısının müavini Vladimir Yevdomikov
deyib ki, Muziçko "Sokol"un xüsusi təyinatlılarına atəş açandan
sonra ölüb. Onlar siyasi lideri və onun həmkarlarını həbs etmək
üçün kafeyə basqın ediblərmiş. Hakimiyyət Muziçkonu kriminal dəstə
başçısı kimi təsvir edib.