İŞİD-in 32 üzvü öldürüldü
İraq ordusu Enbar vilayətində geniş miqyaslı əməliyyatlar keçirib
İraq ordusu İŞİD-ə ağır zərbələr endirib.
Ordu Enbar vilayətində həyata keçirdiyi əməliyyatlarda İraq və Şam İslam Dövləti qruplaşmasının 32 yaraqlısını öldürüb.
Ordudan verilən açıqlamada bildirilir ki, İŞİD-in 12 hərbi texnikası və xeyli silah-sursatı keçirilən əməliyyatda məhv edilib.
İraq ordusu İŞİD-ə qarşı əməliyyatların daha da genişləndiriləcəyini bəyan edib.
Bu arada İraqın şimalında kürd yaraqlıları ilə İŞİD arasında toqquşma olub. İŞİD 2, kürdlər isə 3 itki verib.
(Anspress)