Bakı-Omsk aviareysi təxirə salınıb
Bu gün səhər saatlarında Bakıdan Rusiyanın Omsk şəhərinə yerinə yetirilməli olan beynəlxalq aviareys təxirə salınıb.
Heydər Əliyev Hava Limanından "APA-Economics"ə verilən məlumata görə, Rusiyanın "İrAero" aviaşirkətinin saat 11:50-da Bakıdan uçması planlaşdırılan IO 241 nömrəli aviareysi qrafik cədvəlinə uyğun yerinə yetirilməyib.
Təyyarənin gecikməsinin səbəbi isə hələlik məlum deyil.
Bu reys həftənin növbəti cümə günü saat 11:50-də yerinə yetiriləcək.
Qeyd edək ki, bu istiqamətdə uçuşlar həftədə bir dəfə V günləri yerinə yetirilir.