Bakıda məktəb yanır: şagirdlər təxliyyə edildi
Bakıda məktəbdə yanğın başlayıb. Movqe.az xəbər verir ki, yanğın rayonunun 20-ci sahə qəsəbəsində Ömər Faiq Nemanzadə küçəsində yerləşən 51 saylı tam orta məktəbdə qeydə alınıb.
Yanğın zamanı məktəbdən olan şagird və müəllimlər təxliyyə edilib. Hadisə yerinə Fövqəladə Hallar Nazirliyinin 5 yanğınsöndürən, 2 təcili tibbi yardım maşını cəlb edilib. İlkin ehtimala görə, yanğına əbəb elektrik naqillərində olan qısaqapanma olduğu bildirilir. Hazırda yanğınsöndürənlər yanğının söndürülməsi istiqamətində iş aparır.