Ucar rayon sakini bədbəxt hadisə nəticəsində dünyasını dəyişib. Movqe az  xəbər verir ki, APA-nın yerli bürosunun məlumatına görə, hadisə bu gün rayonun Bərgüşad kəndində baş verib. Kənd sakini 1959-cu il təvəllüdlü Ədilov Əzizağa Zeyni oğlu kənd ərazisindən keçən su arxına düşüb və orda boğularaq ölüb.Yaxınlarının sözlərinə görə, dünən axşam saatlarında Ə. Ədilov qəflətən yoxa çıxıb. Əvvəlcə onun Bakıda yaşayan ailəsinin yanına getdiyi güman edilsə də, bu gün səhər saatlarında su arxında ölü vəziyyətdə tapılıb. Mərhumun içkiyə meylli olduğu bildirilir. Meyit müayinə üçün Məhkəmə Tibbi Ekspertiza və Patoloji Anatomiya birliyinin Ucar rayon Şöbəsinə gətirilib.Faktla bağlı Rayon Prokurorluğunda araşdırmalara başlanılıb.