Belə yanğın heç yerdə görülməyib
Movqe.Az bildirir ki, BBC-yə istinadən
bildirir ki, Norveçin şimalındakı "Tysfjord" bölgəsində yerləşən
Brattli tunelindən keçən 27 ton norveç keçi pendiri yüklü yük
maşınında bir anda yanğın çıxıb. Yük maşınının tunelin ortalarında
alovlanması və ortaya çıxan zəhərli qazlar səbəbiylə müdaxilə edilə
bilməyən yanğın ancaq beş gün sonra pendirin tamamilə yanmasıyla
sönüb. Ancaq yanğın söndüyü zaman tunelin bir hissəsinin də çökərək
istifadə edilməz hala gəldiyi məlum olub. Rəsmilər, yanğına səbəb
yük maşınının içindəki 27 tonluq norveç keçi pendirinin həddindən
artıq istidə qalması nəticəsində özbaşına alovlanmasını göstərib.
Regionun polis məmuru Viqqo Berq, Norveçdə "Brunost" adlandırılan
və ləzzəti olduğuna görə olduqca çox alınan keçi pendirinin
həddindən artıq yağlı və şəkərli olması səbəbi ilə yüksək istilikdə
özbaşına alovlanma xüsusiyyətinin olduğunu bildirərək, "həddindən
artıq istilərdə pendir eynilə neft kimi alovlana bilir" deyib.