Ukraynalı ağır çəkili boksçu Vitali Kliçko idmançı karyerasını başa vurduğunu açıqlayıb.
Lent.az-ın məlumatına
görə, Kliçko Donetskdə keçirdiyi mətbuat konfransında bir daha
rinqə çıxmayacağını bildirib.
41 yaşlı idmançı sonuncu dəfə sentyabrın 8-də Rusiyanın paytaxtı
Moskvada nəyə qadir olduğunu nümayiş etdirib. O, həmin gün
almaniyalı Manuel Çarranı yenərək, WBC (Ümumdünya Boks Şurası)
versiyası üzrə dünya çempionu titulunu qoruyub. Bu qələbədən sonra
Vladimir oktyabrın 28-də Ukrayna Ali Radasına keçiriləcək seçkidən
asılı olaraq, gələcək karyerasına dair qərar verəcəyini söyləyib.
Seçkidə onun "UDAR" partiyası da iştirak edəcək. Bununla belə,
böyük Kliçko qardaşı Vladimirin karyerasını davam etdirəcəyini
söyləyib.
Qeyd edək ki, Vitali Kliçko karyerası ərzində peşəkar rinqdə 47
döyüşə çıxıb. O, 41-i nokautla olmaqla, 45 qələbə qazanıb, 2-də isə
uduzub.