Azərbaycan yığması Qətərdə keçirilən boks üzrə dünya çempionatında ümumkomanda hesabında üçüncü yeri tutub.

Movqe.az Goal.az -a isitnadən məlumat verir ki, komandamız mundialı bir qızıl, bir gümüş və iki bürünc medalla başa vurub. Elvin Məmişzadə (52 kq) bütün rəqiblərinə qalib gələrək, dünya çempionu olub. Albert Səlimov (60 kq) yalnız finalda uduzaraq, gümüş medala sahib çıxıb. Pərviz Bağırovla (69 kq) Abdulqadir Abdullayev (91 kq) isə bürünc medal qazanıblar.

Dünya çempionatında 4 qızıl, 2 gümüş və 1 bürünc medal qazanan Kuba yığması birinci yeri tutub. İkinci yerdə isə Rusiya boksçuları qərarlaşıblar - 2-1-1.