Bu gün Azərbaycan Premyer Liqasında IV turdan təxirə salınmış bir oyun keçiriləcək.
Movqe.az goal.az-a istinadən xəbər verir ki, debütant “Səbail” lider “Qarabağ”ı qəbul edəcək.
Bu kollektivlərin X tura təsadüf edən ilk duelində Ağdam komandası qalib gəlib. “Köhlən atlar”a qələbə qazandıran yeganə qola 89-cu dəqiqədə Əfran İsmayılov imza atıb. Hazırda 34 xalla 1-ci pillədə qərarlaşan “Qarabağ” “Bayıl Arena”da baş tutacaq görüşün də favoritidir.
Geridə qalan 13 oyundan 13 xal toplayan və 6-cı yerdə olan “Səbail”i liderlə qarşılaşmada heç-heçə də qane edir. Lakin artıq Çempionlar Liqası ilə vidalaşan ağdamlılar önündə duruş gətirmək çətin olacaq.
Azərbaycan Premyer Liqası
8 dekabr (cümə)
19:00. “Səbail” – “Qarabağ”
Hakimlər: Orxan Məmmədov, Mehman Mahmudov, Knyaz Əmiraslanov, İnqilab Məmmədov
AFFA nümayəndəsi: Elbrus Abbasov
Hakim-inspektor: Vüsal Əliyev
Bakı. “Bayıl Arena”