UEFA Avropa Liqasının yarımfinal mərhələsinin ilk oyunları keçirilib. Mövqe.az-ın məlumatına görə, Türkiyənin "Fənərbağça" klubu tarixində ilk dəfə qitə miqyaslı turnirdə finala çıxmaq üçün öz meydanında Portuqaliyanın "Benfika" komandasını qəbul edib.

Qarşılaşma meydan sahiblərinin 1:0 hesablı qələbəsi ilə başa çatıb. Oyunda yeganə qolu Egemen Korkmaz vurub.

Digər qarşılaşmada İsveçrənin "Bazel" klubu öz meydanında İngiltərənin "Çelsi" komandasını qəbul edib və 1:2 hesabı ilə məğlub olub. Oyunun əsas vaxtı heç-heçə başa çatsa da, əlavə edilmiş 3-cü dəqiqədə "Çelsi"nin braziliyalı müdafiəçisi David Luis komandasının qələbə qolunu vurub.