Apasport.az saytının məlumatına görə, AFFA bu il avqustun 11-də keçiriləcək qarşılaşmanın paytaxtımızda təşkil olunması ilə bağlı Türkiyə Futbol Federasiyasının (TFF) müraciətini müsbət cavablandırmayıb.

Belə ki, futbol qurumumuz oyun gününədək qalan vaxtın məhdud olması nəzərə alınaraq, Türkiyə Superkuboku uğrunda qarşılaşmanın bu il Bakıda keçirilməyini məqsədəuyğun saymayıb.

Qeyd edək ki, bundan öncə də TFF Superkubok matçını Bakıda keçirmək istəsə də, stadion probleminə görə qarşılaşmanın ölkəmizdə baş tutması reallaşmamışdı.