Milan-ın hücumçusuna şok cəza
Beynəlxalq İdman Arbitraj Məhkəməsi (CAS) "Milan"ın futbolçusu Rafael Lyeaonu sabiq klubu "Sporting"ə 16.5 milyon avro ödəməsi ilə bağlı qərar verib.
Goal.az xəbər verir ki, buna səbəb 20 yaşlı hücumçunun 2018-ci ildə "Lille"ə keçərkən Portuqaliya təmsilçisi ilə müqaviləni təktərəfli ləğv etməsidir. "Sporting" 2019-cu ildən "Milan"da çıxış edən futbolçudan 45 milyon avro tələb etsə də, məhkəmə Rafael Lyeaonu 16.5 milyon avro məbləğində cəzalandırıb.
Xatırladaq ki, 2018-ci ilin mayında "Sporting" azarkeşləri klubun bazasına daxil olaraq futbolçuları döymüşdülər. Lyeao və bir sıra oyunçu bu hadisədən sonra komandanı tərk etmişdi.