Barcelona-nın futolçusu Martin Beytueyt iddialı açıqlama verib. Goal.az xəbər verir ki, o, La Liqanın ən yaxşı hücumçularından biri olacağına inandığını deyib: "Mütləq ilk 11-də olmalı və qollar vurmalıyam. Barcelona-da oynadığınız zaman qol vurmaq üçün çox şans tapa bilərsiniz. Özümü həm komandanın, həm də liqanın ən yaxşı hücumçuları arasında görürəm. La Liqanın ən yaxşı hücumçularından biri olacağıma inanıram. Bunun üçün buradayam. Çox çalışıram və özümə inanıram. Çox çalışırsınızsa, mütləq buna görə mükafatlandırılacaqsız. Verilən fasiləni üstünlüyə çevirmək istəyirəm. Fiziki və psixoloji cəhətdən hazır vəziyyətə qayıdacağam. Hələ ilk 11-də başlamamışam və nələr edə biləcəyimi göstərə bilmərəm. Fürsət tapsam, daha yaxşısını edə biləcəyimə inanıram".