Futbolda rüşvətxorluqla bağlı 2009-cu ildən bəri davam edən iddia və sorğularda təqsirli bilinən şəxslərə ağır cəzalar verilib. Çin Liqasının iki keçmiş sədri və milli futbolçularına 10 ili aşan həbs cəzası verilib. Çin mediasına görə, həbs cəzası ilə yanaşı rüşvətlə əlaqəli 17 təqsirlə günahlandırılan keçmiş liqa başçısı Nan Yonqa 31 min dollar pul cəzası verildiyi halda, onun xələfi Xie Yalonqun 120 min dollarlıq mülkü də nəzarətə alınıb. Təqsirləndirmələri rədd edən Xie Yalonq etiraflarını işgəncə altında etdiyini deyib. Müxtəlif şəhərlərdə davam edən məhkəmə işlərində milli komandanın köhnə kapitanına 10 il 6 ay, milli komandanın dörd köhnə oyunçusuna isə  6 ilə yaxın həbs və 70 min dollarlıq təzminat cəzası verilib.