Argentinalı ulduz futbolçu Lionel Messi futbolun ən böyük
kubokunu almadan, dünyanın ən yaxşı futbolçu olması fikirlərini
qəbul etmədiyini bildirib. Amma futbolçu bunu bu yay keçiriləcək
dünya kubokunda gerçəkləşdirəcəyini bildirib.
Movqe.az goal.com-a istinadən bildirir ki, bu fikirləri Messi
jurnalistlərə verdiyi maraqlı açıqlamasında vurğulayıb.
Belə ki, ulduz futbolçu Dünya kubokunu qazanmadan, dünyanın ən yaxşı futbolçusu adına layiq olması fikirlərini doğru hesab etmir. Ancaq o, bu ilki Dünya Kubok yarışlarında haqqında söylənilən bu fikirləri, tam olaraq təstiqləmək üçün mübarizə aparacağını vurğulayıb.
Messi tez-tez əfsanəvi ulduz futbolçu Maradona ilə müqayisə edilir. Bir çox futbol mütəxəsisləri Messinin bu günkü "Barselona"dakı uğurlu oyunlarını , Maradonanın "Napoli"dəki uğurlu çıxışı ilə eyni performansda olduğunu bildirirlər.
Lakin Messi... "Məni Maradona ilə müqayisə etmələri, mənim üçün
olduqca qürurvericidir, amma mən bu fikirlərlə indilikdə razı
deyiləm, buna layiqli olmağım üçün görəcəyim işlər hələ çoxdur.
Maradona Argentina komandası üçün çox işlər gördü.
Mənim fikrimcə hərhansı futbolçunu Dünya Kubokunu qazanana
qədər ən yaxşı oyunçu ola biləcəyini hesab etmirəm. Bax mən bu
uğuru əldə edəcəyim təqdirdə, Maradona ilə müqayisə olunmağım
mənim üçün daha layiqli titul olar " fikirlərini
vurğulayıb.