İtaliya millisinin futbolçusu Mario Balotelli "DÇ-2014"də qruplarındakı rəqibləri İngiltərə yığması haqda danışıb.

Movqe.az xəbər verir ki, hücumçu İtaliya mətbuatına verdiyi açıqlamada bildirib ki, İngiltərəni dünya kubokunu qazanacaq gücdə görmür:

"Düzdür yığmada yaxşı futbolçular var. Lakin onlar bizim üçün güclü rəqib deyillər. Biz daha təcrübəli komandayıq. İtaliya millisində dünya kubokunu qazanan futbolçular var. Amma İngiltərə yığmasında dünya çempionatının yarım finalında oynayan bir futbolçunun olduğunu belə düşünmürəm."

Qeyd edək ki, İtaliya D qrupunda İngiltərə, Uruqvay, Kosta Rika komandaları ilə mübarizə aparacaq.