Bu gün siyasət aləmində baş verən qarşıdurmalar futbola da öz təsirini göstərməkdədir.
Movqe.az Goal.az-a istinadən xəbər verir ki, son aylar Rusiya və Ukrayna dövlətləri arasında baş qaldıran çaxnaşmalar, bu ölkələrin futbolunada öz təsirini göstərmiş oldu.
Bu baxımdan UEFA futbol qurumu bu diqqət çəkən amili nəzərə alaraq, iki ölkə komandalarının milli və klub səviyyəsində bir-biri ilə qarşılaşmasına əngəl olmağa qərar verib.
Belə ki, bundan sonra qurumun bayrağı altında keçiriləcək yarışların püşkatması zamanı iki ölkə təmsilçilərinin qgörüşünə imkan verilməyəcək.
Bildirək ki, bu UEFA-nın son illərdə verdiyi 3-cü belə qərardır.
Xatırladaq ki, qurum buna qədər 2009- cu ildə Rusiya - Gürcüstan, 2010-cu ildə isə Azərbaycan - Ermənistan yığmalarının qarşılaşmalarına bucür qadağa qoymuşdu.