AVRO-2016-nın təsnifat mərhələsində daha 3 qrupda 4-cü turun oyunları başa çatıb. C qrupunda Belarus milli komandasını qəbul edən İspaniya 3 xalı 3 qolla qazanıb.Movqe.az goal.az-a istinadən xəbər verir ki , meydana eksperimental heyət buraxmasına baxmayaraq, De Boskenin komandası ilk dəqiqələrdən rəqibi qapısına doğru sıxışdırıb. Bunun məntiqi nəticəsi kimi 18-ci dəqiqədə hesab açılıb. Son vaxtlar yaxşı formada olan İsko Alarkon topu "doqquzlğ"a göndərib. Qonaqlar özlərinə gəlməmiş qapılarında 2-ci qolu görüblər. 1 dəqiqə sonra Busketsin uzaq məsafədən zərbəsi belaruslu qapıçı Yuri Jevnyov üçün qarşısıalınmaz olub. 31-ci dəqiqədə Belarusun heyətində Aleksandr Martınoviç zədələnərək meydanı yarımçıq tərk edib. 55-ci dəqiqədə Pedro Rodriqez fərqlənməklə matçda yekun nəticəni müəyyənləşdirib 3-0.
İspaniya 3-0 Belarusiya
İsko (18)
Buskets (19)
Pedro (55)
Qrupun paralel keçən qarşılaşmasında Slovakiya səfərdə Makedoniya millisindən güclü olub. 25-ci dəqiqədə Yuray Kuçka, 38-ci dəqiqədə Adam Nemets qonaqlara qələbə qazandıran qolları vurub.
Makedoniya 0-2 Slovakiya
Yer | Milli komanda | Oyun | Top fərqi | Xal |
1 | Slovakiya | 4 | 6 | 12 |
2 | İspaniya | 4 | 10 | 9 |
3 | Ukrayna | 4 | 5 | 9 |
4 | Makedoniya | 4 | -6 | 3 |
5 | Belarus | 4 | -7 | 1 |
6 | Lyuksemburq | 4 | -8 | 1 |