Bu gün "Bakı 2015" I Avropa Oyunlarında üzgüçülük yarışları davam edəcək. Movqe.az-ın  məlumatına görə, ikinci yarış günündə 8 dəst medal sahibini tapacaq. 

Azərbaycan təmsilçilərindən kişilər arasında 100 metr məsafəyə sərbəst üsulla Kamran Cəfərov və Dorian Fazekas üzəcək. Cəfərov ilk, Fazekas ikinci təsnifat yürüşündə yer alacaq.

Qarışıq üsulla 4X100 metr məsafəyə sərbəst üsulla ötüşmə yarışında da Azərbaycan təmsil olunacaq. 

Qeyd edək ki, "Bakı 2015" I Avropa Oyunlarında üzgüçülük yarışına iyunun 27-də yekun vurulacaq.