"Schalke"nin yarımmüdafiəçisi Kevin-Prins Boatenqin "Al-İttihad" klubuna keçidi baş tutmayıb. Movqe.az Goal.az-a istinadən xəbər verir ki, 28 yaşlı futbolçu Səudiyyə Ərəbistanı klubunda tibbi müayinədən keçə bilməyib. Bundan öncə onun "Sporting"ə transferi də pozulmuşdu.

Qeyd edək ki, may ayında "Schalke" rəhbərliyi imkanlarından aşağı çıxış etdiyinə görə Boatenq də daxil olmaqla bir neçə futbolçunu komandadan kənarlaşdırmışdı. Qanalı oyunçu bundan sonra Gerzenkirxen klubunda qalmayacağını açıqlamışdı.