"Sky Sport" kanalının eksperti Qari Nevill "Manchester City"nin yarımmüdafiəçisi Yaya Ture haqqında danışıb. Movqe.az-ın Goal.az-a istinadən məlumatına görə, Nevill afrikalı futbolçunun yaşlı olmasına və fiziki durumuna diqqət çəkib.

"Ture həftədə 3 oyun oynaya bilməz. Çünki o da insandır. Ture fantastik futbolçudur. Mən onu daha vacib oyunlar üçün qoruyardım. Onun oyunun alınanda Premyer Liqanın ən güclü yarımmüdafiəçisidir. Amma 1 həftə ərzində 3-cü matçı yüksək səviyyədə keçirməsini gözləmək qeyri-mümkündür. Hər kəs Cerrard, Skoulz və Qiqqsin öz komandasına necə kömək etdiyini görürdü. Lakin 30 yaşlardan sonra fəallıq əvvəlki kimi olmadı. Bir qədər yaşlı futbolçulardan düzgün yararlanmaq lazımdır".