"Real" Madrid klubunun forvardı Kriştianu Ronaldo La Liqanın 18-ci turunda "Real" Sosyedada (4:3) 2 qol vuraraq Emelio Butragenyoya çatıb. Realmadridplace Twitter səhifəsi yazır ki, bununla, Kriştianu "Real" Madridin heyətində 171 oyuna 171 qol vurub və bu nəticə ilə madridlilərin keçmiş məşhur forvardı Emelio Butragenyoya çatıb. Qeyd edək ki, Butragenyo 463 oyuna 171 qol vurub. Ronaldo 2012/2013 mövsümündə İspaniya çempionatında 18 qol vurub.