"Mançester Siti"nin 55 milyon avroluq təklifi rədd edildi
"Napoli" klubunun prezidenti Aurelio De Laurentis komandasının
hücumçusu Edinson Kavaninin transferi üçün "Mançester Siti"dən
rəsmi təklif aldıqlarını bildirib. De Laurentiis İngiltərə
təmsilçisinin 55 milyon avroluq təklifini rədd etdiklərini deyib:
"Mançester Siti"nin 55 milyon avroluq təklifini rədd etdik.
Srağagün "Roma" ilə oyunda (4:1) bunun nə qədər düzgün addım
olduğunu gördük. Kavani bizim futbolçudur. O, bir çempiondur və
dünyanın ən yaxşı 10 oyunçusundan biridir". Qeyd edək ki, daha öncə
uruqvaylı futbolçunun meneceri Mino Rayola Kavaninin mövsümün
sonunda komandadan ayrılacağını bildirmişdi.