"Paranormal Activity 4" filmi böyük izdiham yaradıb
Movqe.az xəbər verir ki, "Cineworld"da
"Madagascar 3" filmini seyr etmək üçün bilet alan kiçik uşaqlar və
valideynləri kino salonunda səhvən "Paranormal Activity 4" filminin
göstərilməsi ilə qorxu hissi keçirib. Valideynlər kameraya doğru
atılan cəsəd görüntülərindən dəhşətə gələn uşaqlarını salondan
çıxarmaq üçün çıxış qapılarına axın etdikdə isə bəzi uşaqlar əzilmə
təhlükəsi ilə qarşılaşıb. "Cineworld" kino salonu isə edilən
səhvdən ötəri üzr istəyərək tamaşaçıların biletlərinin pulunu geri
ödəyib. "Cineworld" tərəfindən edilən şərhdə, səhvin bir daha
təkrarlanmaması üçün texniklərin xəbərdar edildiyi bildirilib.